Gaur, urriaren 27an, Judimendiko hainbat auzokide Azaroaren 30eko greba feminista orokorraren baitan antolatu dugun “zaintzaren hariak” izeneko solasaldian bildu gara. Bertan, zaintzaren esparru ezberdinen egoeraz hitz egiteko aukera izan dugu; adingabeen zaintzaz, adinekoen zaintzaz zein etxeko eta komunitatean egiten diren zaintza lanez, alegia. Garrantzia berezia eman diogu auzotik egoera hori nola eraldatu dezakegun hausnartzeari. Gako eta proposamen interesgarri ugari atera …