Badator ekaina, uda eta hauekin batera Judimendiko jaiak.
Urtero bezala Judimendiko gazte asanblada jai alternatibo hauen antolakuntzan parte aktibo izateaz gain, aste kulturala aurrera eramaten dugu, izan ere jai eredu alternatibo eta formatibo batean aurrera pausoak ematea dugu helburu (laister informazio gehiago helarazioko dizuegu). Aurten gazte egunean, gure urteroko politikarekin jarraitzeaz gain (musika talde gazteei jaietan jotzeko aukera luzatzea) apostua indartzea eta auzoko musika taldeen maratoia edukiko dugu.
Hala ere, motoreak berotzeko eta auzoari bizitza emateko intentzioarekin, aste kulturalaren barruan (nahiz eta datetan kanpoan kokatu), musika eguna antolatu dugu. Bertan auzoko gazte-taldeak perfomance jaialdiarekin dantzatu, barre egin, abestu eta gozatzeko parada eskeiniko digute. Hortaz, mundu guztia gonbidatu nahi dugu ekainaren 6a larunabata, Judimendiko eskolara arratsaldeko 18.00etan kalejirarekin hasteko, eta ondoren 19.00etan musika taldeen performancea egongo da eskolan baita ere.
Parte hartuko duten Judimendiko gazte musika taldeak:
North Summer
Prismates
Azken Aukera
Trago bakoitzean
